?_?

"ma...mama nak buat ape dengan duit syiling satu sen nih ma..."

-__-

^_^

hi ayah...

adik rindu ayah...

cucu cucu ayah dah besar...

akal eh pon dah bosa dah...

-__-

atlas vs globe

dulu...dah lama dulu...lama giler dah...

akak den: "yah...tolong belikan kak long atlas yah..."

"ok."

.

.

.

.

.

"nah long."

"mana atlas nya yah?"

"ni..."

"yah...ni globe la yah..."

"oh..."

-__-

itulah kisah eh...macam mano globe ni buleh ado kek ghumah den...tiap kali nampak globe ni...tiap kali tu jugaklah kisah ni kuar...tiap kali tu jugaklah ayah kena bahan...hahahahaha...ayah ayah...

sinaran...

sekarang ni kan ada banyak kopitiam...papa rich la...old town la...perasan tak hailam kopitiam...? if you look at their menu...ada tulis original kuala pilah or something like that...

ha...ni kodai original eh...hahahaha...

yeeerrr...takde satu perkataan hailam pon pada nama kedai originalnya....

 kebersihan itu penting...

 kalau kat kl...pegi kopitiam nak usha awek la...mamat hensem la...kek sini tak dapek yor....otai otai yor sumo eh...

 nyonya ni...sejak aku darjah satu sampai skang...cam tu ha yorlah ghupo eh...tak tuo tak mudo...hahahahaha....nya nya...

 food presentation? watdat? kupi ais yg sodap kek dalam mug anlene yg free yor...

 yor...menimbun ghuti bakar den oder...

 ming ai...mee hailam eh...yang kat hailam kopitiam punya tak sodap...kono gak poie kek tompek asal eh...pinggan pon pinggan bungo kangkung yor...

 ni baru lah boto ghuti bakar...bakar pakai aghang...

 credit to zaifie...cantik gambar ni long...

now we know...kono pakai planta baghu sodap...

maso den kocik...kek sinia lah ayah den bawa den makan...nasi goreng eh pon min piaw dor...sampai skang pon ghaso eh samo yor...

wan enab part iii

“yang kak long ni daghi tadi ni tak habih habih tangkap gambar den ni kenapo?”

~”ni video lah wan…wan…nanti kak long masuk an video ni dalam internet yer wan…”

“uuiiii aiii… masuk’an dalam sughek-kaba yor dah lah...”

~”oooo wan…sughek-kaba buleh lak…hahahaha…wan…ni nak tangkap gambar ngan wan buleh tak wan…”

“eee tak payah lah dor…wan ni baju dalam suar dalam mo tak pakai ha…taknaklah…”

~”ala…takpo dor wan…buleh lah wan…”

“kiut kor den ni nak begamba gamba mo den ni…”

“yor wan…wan ni kiut…”

“ekau tangkap lah gamba wan ni sambil isap ghokok ha…”

~”sambil isap ghokok wan? Buleh yor…”

“uiii aiii ekau ni…den memain yor la…”

wan enab part ii

“lamo eh lah tak jumpo ha…”

“yolah wan...sihat wan?”

“camni yorlah ti…mato ni dah tak beghapo nampak dah ha…kaki nip on dah tak kuek dah nak bodighi…tu yang wan dah tak tughun kek dapur tu laie ha…”

“bilo agak eh last jumpo wan?”

“wan ghaso maso ayah ekau sakit lah ti oiiii…maso tu wan kuek laie…wan poie ghumah ekau nengok si jenal tu…”

“waahhh…wan…tu dah limo tahu lopeh tu wan…”

“itulah tu…ni ayah kau dah takdo ni…sunyi yor…kot tak tu kang…tetibo yor ayah ekau muncul kek pintu tu ha…tocongok yor…dihulur’an wan ghokok sekotak…haaa…ghokok den mano? Kau tak bawa an ko sekotak ko duo ko ti?

“alaaa wan…tak bawa la…”

“kau len kali kot nak datang…boli’an den sekotak…benson en hedges yor…”

“yolah wan…”

“dah maha dah sekotak jam ni…sepuluh ghinggit…”

“tu yang kono beoghonti tu wan…makin lamo makin maha ghokok ni…”

“uiii aiii…tak dapek nak boghonti dor ti…”

"banyak ko wan isap seghari wan?"

"wan isap seghari duo kotak ti oiii..."

"ming aiii wannn....!!!!"

“wan…wan merokok ni sojak bilo wan?”

“waaaannn…merokok?…ekau nak tau sojak bilo?”

“nak la wan…sojak bilo wan?”

“sojak umur wan ompek puluh taun…”

“aaaa…kiro dah lewat gak lah wan stat meghokok yor wan…”

“iyorrr…ekau nak tau…taim tu wan tongah mengandung…”

“haaahhhh…wan…biar bona wan???”

“iyor…wan tongah ngandung’an sapo tah taim tu…wan nengok atuk ko buang puntung ghokok tu…wan amek…wan isap…”

“waaaaaan…biar bona…?”

“iyor…wan nengok yor atuk ko…bilo dio buang puntung ghokok eh…dah buang…wan amek la…”

“wan…oghang lain mengandung ngidam daging masak lomak ko…dughian ko…wan ngidam ghokok???”

“itulah tu…nak buek camno…”

“sampai lah skang ni?”

“iyooo…sampai lah skang ni ha…”

“dari dulu ko wan, wan isap benson?”

“uihh…tak ingat wan dor…tak ghaso eh…ghokok lain momulo tu…”

“hahaha…wan…wan ado tak poie spital buek chekap ni wan…?”

“ado…apo plak takdo plak…”

“habeh tu dokto tut au tak yang wan ni meghokok?”

“tau...dio tanyo…wan…wan ada merokok ke…wan koba’an….ado…lopeh tu dokto tu disughuh’e wan tunggu…wan pon tunggu la…bilo dokto tu datang balik…dibagi’e wan buku lebar tigo jaghi wan ni ya ha…pastu dio tanya wan…wan ada cucu…wan koba’an…ado…nak buek apo ngan cucu den…pastu dokto tu suruh cucu wan baco’an buku tu…”

“buku tu pasal apo wan?”

“buku tu diceghito’e pasal meghokok ni la…kanser la apolah…apo pukimak eh dokto ni…patut eh kasilah wan pil ko…ubek lain ko yang buleh buek wan ni boghonti meghokok…dikasi’eh buku nak buek apo…tak baguih la dokto tu…apo plak dio tak kasi wan meghokok lak…”

“ni wan tahun ni dah beghapo umo wan?”

“wan tahun ni dah lapan puluh tigo dah siti oiii…”

“wow…okay lah wan…tak yah lah boghonti meghokok tu dor…hahahaha…”

“iyor ti…wan memang takleh nak boghonti meghokok dor…jadi laie lomah badan wan ni kot tak meghokok…”

“yolah tu wan…”

wan enab part i

Dah lamo simpan niat nak poie ghumah cik ijah…dulu maso den kocik kocik dulu…den selalu yor membuntut ayah den poie ghumah cik ijah…laki cik ijah…cik mad nor tu kawan baik ayah…omak cik mad nor…wan enab tu pon ayah kaw tim yor tu…ghayo tahun ni Alhamdullillah…ghumah last yang kito oghang poie beghayo…ghumah cik ijah ni…poie nengok diaorang ni…sobab’an ghayo…ngan sobab’an ayah pon yor gak…maso ayah den hidup…nilah oghang oghang eh yang ayah den selalu poie jumpo, tolong sumo…

Beghayo ghumah kek kampung ni…takdo beghayo kek ruang tamu dor…toghuih yor poie dapur…

Alhamdullilah…sumo eh sihat sihat yor laie…

Wan enab dah tak kuek kaki eh nak tughun naik tanggo…duduk yorlah kek ateh ghumah tu…spot eh kek topi tanggo nak ko dapur…nak bughak ko nak salam ko…konolah jumpo wan tu kek topi tanggo…den pon duduklah kek topi tanggo tu bughak ngan wan enab ni…

“ni sapo nih…”

“wan…ni siti lah…anak arwah cik jenal…”

“laaaa ekau ko tiiii…meh sini dokek ha…mato wan dah tak nampak bona dah ni…”

den pon dokek an lah muko den kek dopan muko wan enab ni…wan enab ni mato eh den ghaso memang dah kabur gilo…poie sedokek mano pon…tak nampak dek dio muko oghang laie dah…

“mano taik lalat ko tu ti…wan nak nengok ha…”

den dokek an laie muko den…

“wiii aii…tak nampak wan dor…mano…”

“ni ya wan haaa….”

Wan enab guno duo duo tangan eh…usap usap muko den…melilau yor tangan eh caghik taik lalat den…

“haaa…ni ya haaa taik lalat ko….memang botol lah ekau ni siti yor…”

“iyor…se ni siti…”

 taik lalat den yang wan enab ghindu an...

 one for the photo...

mama, cik mad noor ngan cik ijah

 mama ngan wan enab...

kuih kuci wan enab yang terbaeeekkkk wehhh...

nak bughak kono panjat tangga yorr...den meghangkak yor...takdo den panjek tanggo ni...